Wimbo uliokuwa unasubiliwa kwa hamu kubwa toka kwa Mariam B.s.s. akiwa na bendi nzima ya 5 stars modern taarab uitwao "Kichambo kinakuhusu", umeachiwa rasmi jana jumapili katika vituo mbalimbali vya redio nchini, na hii ni katika kuwathibitishia wadau na wapenzi ujio mpya kabisa wa bendi hii ya 5 stars inayoongozwa na Ally J.
Wimbo huo ambao ulianza kuwa gumzo hata pale ulipokuwa bado haujarekodiwa, ni kijembe kikali kinachomuendea Bi shosti asiejielewa!, Dawati la ubuyuwataarabutz.blogspot.com lilimuuliza mkurugenzi wa bendi hii Ally J kwamba kijembe hiki kadhamiliwa nani?, lakini alijibu huo ni ujumbe ambao mashairi yake yanakwenda na wakati kwahiyo yeyote mwenye tabia za ajabu ajabu basi Kichambo Kinamuhusu, hatuja mdhamilia mtu fulani hapana!. Alipoulizwa Mariam B.s.s. yeye alisema hilo ni dongo la mwafulani anapenda sana kunifuatafuata sina muda mchafu, aniachee!!.Pia kwa siku ya jana 5 stars wameachia na wimbo mpya kabisa wa Mussa Kijoti uitwao Big up my dear!. ambao ni matata mno!. Huu ni ujio mpya kabisa wa bendi hii wadau na wapenzi mnaombwa kuwasapa sapoti ili waweze kufanya mambo mazuri zaidi ya haya.
Hakuna maoni:
Chapisha Maoni