ASYA UTAMU NA HAMUYAWEZI KONDO HATIMAE WAPATANISHWA NA MARIAM MIGOMBA!.

NA KAIS MUSSA KAIS.

         Mtandao wa ubuyuwataarabutz.blogspot.com hatimae kupitia habari yake iliyoiandika juu ya ugomvi wa Asya Mariam na Hamuyawezi Kondo umefanikisha kupatana na kumaliza tofauti za ugomvi na kutoelewana kwa wasanii hawa Hamuyawezi Kondo na Asya Mariam au Asya Utamu wa  Wakaliwao Modern Taradance.

        Ugomvi huo ambao ulidumu kwa takribani miezi mitatu na zaidi umemalizwa na mtangazaji wa TBC ONE na TBC FM Mariam Migomba kupitia vipindi vyake vya televisheni na redio.

ASYA MARIAM WA MBELE NA HAMUYAWEZI KONDO NYUMA WAKIWA KATIKA PICHA YA PAMOJA.

      Mariam Migomba baada ya kuisoma habari ile katika mtandao huu alinipigia simu na kunieleza kuwa amesoma habari kuhusu ugomvi wa wasanii hawa wawili hivyo akaniomba namba za simu za waimbaji hawa ili aweze kuwaweka chini na kuwapatanisha, nami pasipo hiana nilimpatia namba za waimbaji wote wawili na akawapigia na kufanya nao mahojiano yaliyozalisha suruhu.

MKOMBOZI THABIT ABDUL AKIWA NA VIJANA WAKE BAADA YA KUPATANISHWA.

      Kwanza alianza nao jumatatu katika kituo cha TBC FM akamaliza nao ndani ya TBC ONE, Juhudi za Mariam Migomba ni za kupongezwa sana kwani dunia ya sasa haipendezi kuwa na maadui, ni vyema tukasameheana na maisha yaendelee.

      Mwisho kabisa napenda kuchukuwa nafasi hii kuwakumbusha viongozi wa wakaliwao kwamba kilichotokea kwa wasanii hawa iwe fundisho kwao wasiruhusu tena hali kama hii itokee tena kwa wasanii wengine kwani mara nyingi hudhoofisha nguvu kazi ya bendi na wasanii husika kiujumla na kuzua matabaka na makundi
ndani ya bendi. NI HAYO TU!.