MJUE MKURUGENZI WA GUSAGUSA MIN BENDI "HASSAN FAROUK", ASIEPENDA MAJIVUNO.

NA KAIS MUSSA KAIS.

           Gusagusa min bendi, ni wataalam wa muziki wa Taarab hususani zile "Old is Gold" nyimbo za akina Bi Marika, Fatuma Issa, Juma Bhalo, Makame Faki na wengineo wengi, Bendi hii imejizolea umaarufu mkubwa hapa Dar na kujiwekea rekodi kuwa ni bendi ya kwanza ya taarab hapa Tanzania Bara hususani hizi zinazopiga "Old is Gold" kuweka kiingilio cha shilingi elfu kumi 10,000/= na kujaza watu wengi mno katika ukumbi wa Lango la Jiji magomeni na ilikuwa ni katika utambulisho wa albam yao ya "Una jidodo linakuchukucha". Siri kubwa ya mafanikio yao ni huyu mkurugenzi wao Hassan Farouk!, nilipata bahati ya kuzungumza nae na haya ndio aliyoyasema:-

HASSAN FAROUK MKURUGENZI WA GUSAGUSA MIN BENDI.

        Naitwa Hassan Farouk ni mkurugenzi wa bendi ya Gusagusa min bendi, mimi nimezaliwa hapa jijini Dar na kusoma katika shule ya sekondari ya Alharamaini iliyopo ilala jijini Dar, Nimeanza kuipenda Taarab kabla hata sijakuwa kiongozi, nilikuwa nazifadhili bendi na kusaidia pale ninapofuatwa!.

    Gusagusa ilikuwa ni chaguo langu namba moja hata kabla sijakuwa mkurugenzi, nilipoingia ndani ya bendi hii jambo la kwanza ilikuwa ni kuimarisha kikosi na pili kuhakikisha bendi inakuwa na show's zile za kisasa zaidi kulingana na ubora wa bendi husika na nashukuru hilo nimelifanikisha na sasa bendi ina show tatu zote za kiingilio!, tumepata safari za ulaya na Dubai kwa nguvu kubwa ya meneja wangu Kais Mussa Kais na katibu Foni Chupa.

FONI CHUPA KATIBU WA GUSAGUSA MIN BENDI.

   Mwisho napenda niwaambie wapenzi kwamba kuna baadhi ya bendi zinatumia kinyume jina la Gusagusa min bendi, wakijiita wao ni gusagusa! kitu ambacho sio kweli, Gusagusa ni moja tu hao wengine wana majina yao! na wanajijua wenyewe, kuweni makini sana na vijibendi hivyo!, Gusagusa original ina viongozi wafuatao:-

                      Mkurugenzi ni- Hassan Farouk

                      Katibu ni- Foni Chupa

                      Meneja ni- Kais Mussa Kais

                      Muhasibu ni- Mr Nassoro.

KAIS MUSSA KAIS MENEJA WA GUSAGUSA MIN BENDI.

 Hawa ndio viongozi wakuu wa Gusagusa min bendi original, ikija hiyo Gusagusa feki waulizeni je viongozi hawa wapo? na kama hawapo juwa wazi kuwa ni Gusagusa Feki habari ndio hiyo!.