JAHAZI MODERN TAARAB KUZINDUA ALBUM YA MAHABA NIUE MWEZI WA NANE 2015!.

NA KAIS MUSSA KAIS.

            Bendi yako uipendayo ya jahazi modern taarab inatarajia kufanya uzinduzi wa albam yake ya "mahaba niue" mwezi wa nane mwaka huu ila tarehe rasmi na wapi itakuwa bado imeendelea kuwa siri kidogo!.

        Akizungumza na mtandao huu makini mkurugenzi wa bendi hiyo Mzee yusuph alisema, ndani ya albam hiyo kutakuwa na nyimbo sita na itakayobeba albam ndio hiyo mahaba niue! alizitaja nyimbo hizo kuwa ni:-

FATMA SHOBO AKIWAJIBIKA STEJI.

                     1.Hili tu limekuuma, utakaoimbwa na Fatuma shobo

                     2.Kamwe sitoumbuka, utakaoimbwa na Fatuma kassim

                     3.Nina moyo sio jiwe, umeimbwa nae Leyla rashid "malkia".

                     4.Nia safi hairogwi, utakaoimbwa nae Mishi mohamedy

                     5.Mahaba niue, ulioimbwa nae Mzee yusuph "mfalme".

6.Ni wimbo utakaoimbwa na muimbaji wa kiume kati ya Twaha malovee, Prince amigo au Mtoto pori mmoja yao atapewa wimbo ili kujaza albam na kufanya nyimbo kutimia sita!.

KHADIJA YUSUPH "SAUTI YA CHIRIKU" AKIFANYA YAKE!.

     Akiendelea alisema kuwa wimbo wake mpya wa "kaning'ang'ania ng'ang'anu" Utaingia katika albam yake ya pili ambayo nayo amepanga kuizindua mwezi wa tisa mwaka huu! unajua nimeamua kufanya zinduzi mbili zinazoongozana kwa kuwa mwaka huu kutakuwa na uchaguzi mkuu! kwahiyo muda ni mchache sana, na kama itashindikana basi naweza kuzindua albam moja ila dhumuni langu ni kuzindua zote mbili ili kuwapa burudani wapenzi na wadau wa bendi yangu alimaliza kwa kusema!.

    Ikumbukwe kuwa mwezi wa nane ni mwezi ambao bendi nyingi zimepanga kufanya zinduzi zao zikiwemo wakaliwao modern taradance, ogopa kopa classic bendi, jahazi modern taarab pia!, na kuna uwezekano kukafanyika show ya "the mashroom" toka kenya na show zote hizo zinatarajiwa kufanyika Dar!, kwa mtazamo wa haraka haraka wa mtandao huu ni kwamba lazima hapo kuna bendi zitaahirisha zinduzi zao ili kupeana nafasi na kupata muda wa kuandaa show nzuri na ambazo hazitowaletea hasara...Tusubiri ili kujua ni bendi zipi zitaahirisha!.