HAUVUMI LAKINI UMO YA ALLY STAR, INAKUKUMBUSHA WAPI?...PATA MASHAIRI YAKE HAPA!.

 Na pambe za taarab

 

 

       "HAUVUMI LAKINI UMO".

ALLY STAR- SHARO BABU!.

KIITIKIO:- Ama kweli mlezi wako alokulea, Kala hasara Ama kweli mwalimu wako alokufundisha, Kala hasara Ama kweli mzito wako alokulea, Una mambo Ama kweli mchumba wako ulompata, Kala hasara Mdogo wa kimo una mambo wewe, una mambo wewe, una mambo Nimeshaamini chochote kizuri hakikosi kasoro Mama mkata umoja kala hasara huyo Mtega uchumi kumbe nawe umo Japo hauvumi kumbe nawe umo Huko mitaani umepewa jina waitwa mama huruma we Sikutegemea wala sikudhani kama una mambo Wala hufanani na jambo la mtoto, una mambo wewe Kila uonacho, Wakitolea macho wataka kukichukua Japo siyo chako, Wakitolea macho wataka kukichukua    "UIMBAJI" 1. Nilidhani mimi chanda Na wewe ni pete yangu Nikawa ninakupenda Kukuona u mwenzangu Kumbe nimefuga donda Lilowashinda wenzangu  Ikawa wagawa tenda Hata kwa rafiki zangu Ikawa wagawa tenda Hata kwa wadogo zangu Toka bibi fanya nenda Bora niishi kivyangu Mimi sili vya kuvunda Hili ni zindiko langu Wewe si mtu ni sanda Na hofu uhai wangu

2. Si kama nakutania Nakueleza bayana Kwa kweli sikudhania Kama huna maana Kumbe wewe kisinia Kote unajulikana Umekuwa zabania Kugonganisha mabwana Wewe siwakutania Wengi wanapongezana Wanavyokugombania Kama mpira wa kona Umegeuka gunia Kubeba kila aina  3. Mambo yako yanatanda Yazagaa kama wingu Hupumziki kuranda Kutwa kucha wanguwangu Unachokijua kwenda Huoni hata uchungu Mgongo umekupinda Kwa kutaka vya uvungu Pepo aliekupanda Hapungwi hata kwa nyungu Nakuambia utakonda Huwezi ulimwengu Umekuwa paka nunda Wa kunusanusa vyungu 4. Duka lako la asali Sasa linanuka shombo Waja wamekutapeli Usiyepitwa na jambo Hivi sasa huna dili Yanakuendea kombo Ukipewa bia mbili Umekwisha huna nyimbo Wajanja wenye akili Wanakuuza kimombo Hujui lile na hili Kazi kufuata mkumbo Umegeuka egoli, Hupigwi la mgambo