EMELAA SOLLO:- SINA MPANGO WA KUIHAMA JAHAZI MODERN TAARAB!.

NA KAIS MUSSA KAIS

           Emelaa sollo, ni mpigaji wa wa gitaa katika bendi ya Jahazi Modern Taarab kwa sasa, lakini kabla ya kujiunga na Jahazi alikuwa Mashauzi Classic.Siku ya jumatano wakati bendi ya Supershine ikifanya show yake maeneo ya mwananyamala Royal Bar alikuja Emelaa, na nikapata nafasi ya kufanya mazungumzo nae.

EMELAA SOLLO

        Kwa kuanza nilitaka anipe tofauti ya maisha ya muziki wakati yupo Mashauzi Classic na sasa yupo Jahazi Modern Taarab anaonaje?, Alianza kwa kusema tofauti ni kubwa sana kwani Jahazi ni bendi kubwa kuliko Mashauzi, hata mashabiki wanaojitokeza katika show zetu ni wengi mno ukilinganisha na bendi zingine.

        Hapa Jahazi nimepata uzoefu mkubwa sana na nimekutana na watu wanaojua haswa muziki wa Taarab tofauti na kwingine kote nilipopitia, nawashukuru sana mfalme Mzee Yusuph na Mohamedy Mauji kwa ushirikiano wao kwangu tokea nimefika hapa Jahazi. Nilipomuuliza je bendi ingine ikimuhitaji iingie nae mkataba yupo tayari?, alijibu hapana sipo tayari kwani hapa nilipo Jahazi ni sehemu sahihi kwangu, Jahazi ni sawa na timu ya Taifa, kila msanii anatamani afanye kazi hapa!, naipenda bendi yangu na sina nia ya kuhama Jahazi.