JUMANNE ULAYA AJIUNGA NA OGOPA KOPA CLASSIC BEND!.

NA KAIS MUSSA KAIS

                   Mpigaji gitaa la Sollo ambae naweza kukili wazi kwamba ni maarufu kuliko wote katika tasnia ya taarab kwa sasa nchini Tanzania Jumanne Ulaya "Vidole vya biashara" amejiunga rasmi na bendi ya Ogopa Kopa Classic iliyo chini ya Malkia wa Mipasho nchini Khadija Omary Kopa.

JUMANNE ULAYA AKIWAJIBIKA

          Dawati la habari la mtandao huu lilipopata ubuyu huu lilimtafuta Jumanne Ulaya mwenyewe ili azungumzie suala hili kiunaga ubaga!, J4 alikili ni kweli kwa sasa yupo katika bendi hiyo, na amesaini mkataba wa miaka miwili kuitumikia Ogopa Kopa, endapo wapenzi na mashabiki wangu wataniona katika bendi ingine nikifanya kazi wasiwe na pressure nitakuwa natoa kampani tu kama ilivyo kawaida yetu wasanii, ila bendi inayonilipa mshahara ni Ogopa Kopa.

         Nae mkurugenzi wa Ogopa Kopa Bibie Khadija Omary Kopa alithibitisha kumnyakua J4 katika bendi yake na kusema kwamba yupo katika kukisuka kikosi chake ili kiweze kufanya kazi kwa ufanisi mkubwa na sio kwa kubahatisha kama zilivyo bendi zingine. Ikumbukwe Jumanne Ulaya ameshazitumikia bendi kadhaa zikiwemo Jahazi Modern Taarab, 5 stars Modern Taarab, Mashauzi Classic na nyinginezo nyingi.