Bendi ya G5 Modern Taarab ipo katika mkakati mzito sana wa maandalizi ya kuzindua album yao ambayo bado wapo katika kuchagua iitwe kwa jina gani, Mkurugenzi wa bendi hiyo Hamisi Slim aliuambia mtandao wa ubuyuwataarabutz.blogspot.com kuwa wanataraji kuweka kambi ya wiki tatu nje ya Dar ili kupata utulivu zaidi kabla ya kufanya uzinduzi wa nyimbo hizo sambamba na kuzindua vyombo vyao vipya ambavyo vimeagizwa toka marekani, Uzinduzi huo utafanyika mwezi wa kumi na mbili mwaka huu, ukumbi, siku na tarehe bado havijatajwa.
Mtandao huu ulipotaka kujua thamani halisi ya seti hiyo ya vyombo vipya kabisa vilivyoagizwa toka marekani, mkurugenzi huyo alisema ni pesa nyingi sana na nisingependa kuitaja hadharani kwa sasa mpaka pale vyombo hivyo vitakapoingia hapa nchini tanzania.kikubwa nawaomba wadau wa G5 waendelee kutusapoti kama wafanyavyo sasa nasi tunawaahidi kuwapa burudani yanguvu. Ikumbukwe kwamba bendi ya G5 inazo nyimbo mbili mpya ambazo tayari zimesharekodiwa na zipo redio zinafanya vuzuri, nyimbo hizo ni Sina Makuu iliyoimbwa na Ashura Machupa na ya pili ni Sio mie ni moyo ulioimbwa nae Abdul Misambano.
Wakati huo huo bendi hii inatarajia kuingia studio wiki ijayo kurekodi wimbo mwingine mpya wa tatu ambao utaimbwa nae Mwinjuma Muumin, wimbo utaitwa Jasho la Baba.
Hakuna maoni:
Chapisha Maoni