Anatambulika zaidi kwa jina la Jike la chui, huyu si mwingine bali ni Hanifa Maulidi ambae alisumbua sana na nyimbo zake mbili ambazo ni Makavu Live na ingine Naufunga Mtaa. Kwa sasa mwanadada huyu yupo katika bendi inayokuja kwa kasi mno ya Ogopa Kopa Modern Taradance.
Hanifa Maulidi anakuja na kibao chake kipya kiitwacho Stop Red Card, akiwa na bendi yake hiyo mpya inayoongozwa na malkia wa mipasho nchini tanzania Khadija Omary Kopa, wimbo huo ambao ni utunzi wake Hemed Omary umekuwa ukifanyiwa mazoezi kambini kwao magomeni jijini Dar.Katika wimbo huo kinanda kitapapaswa na Dogo anaetishia namba za wakongwe hapa tanzania, nae si mwingine ni Omary Zungu, gitaa la bess litaungurumishwa na Shomari Zizzou na Sollo gitaa atasimama Jumanne Ulaya ukipenda muite vidole vya biashara!. Mara nyingi Hanifa anapotoa wimbo inakuwa ni gumzo mjini, hebu tusubiri kuusikia huu wa sasa Stop Red Card ndani ya Ogopa Kopa Modern Taradance itakuwa ni shidaaaaah!!.
Hakuna maoni:
Chapisha Maoni