Mkurugenzi wa coast modern taarab, Omary Tego, amesema mara zote katika maisha yake ya sanaa huwa hakulupuki tu na kutoa nyimbo mfululizo pasipo kujua soko la muziki linahitaji nini kwa wakati huo. Akizungumza na dawati la UBUYU WA TAARAB, Tego alisisitiza kwamba siku zote huwa anaumiza kichwa ili kutoa wimbo mzuri ambao utakaa katika ramani na kupendwa kwa kipindi kirefu zaidi.
Wimbo unaotamba kwa sasa toka kwa Omary Tego ni SURPRISE ambao unafanya vyema ktk vituo mbalimbali vya redio nchini..Kwa sasa Omary Tego yupo katika mipango ya kuandaa wimbo mpya ambao anatarajia utafanya vizuri na kuupita SURPRISE, alipoulizwa jina la wimbo huo mpya alisema ni mapema mno kuutaja nahofia watu kuiba TITTLE maana hawachelewi!. katika album hii ijayo ya Coast Modern Taarab kuna vijana chipukizi watatu ambao wataimba, majina yao ni, Aisha Abdallah,Mwajuma Othman na Duara Ally.Wakati huo huo bendi yako ya Coast Modern Taarab inatarajia kufanya ziara mikoa miwili ya singida na tabora ifikapo mwezi wa kumi na moja mwaka huu. Siku ya jumamosi tarehe 8/11/2014 watakuwa SCENE LODGE singida, na siku ya jumapili tarehe 9/11/2014 watafanya show katika ukumbi wa SAKAO MORDEN INN igunga Tabora.
Hakuna maoni:
Chapisha Maoni