Aisha Vuvuzela ni msanii mwenye uchu mkubwa wa maendeleo hususani katika tasnia hii ya taarab nchini tanzania, alipoanza kuimba pale Dar Modern hakuna alietegemea kama angeweza kufikia hapo alipo sasa ila juhudi na kujituma kwake zaidi ndio siri kubwa ya mafanikio aliyonayo. Nimekuwa nikienda katika kumbi mbalimbali ambazo bendi ya Wakaliwao imekuwa ikifanya show zao na kumkuta Aisha Othman Vuvuzela akiwajibika jukwaani.
 |
| AISHA OTHMAN "VUVUZELA" |
Mwanzoni sikushitushwa na hali hiyo sababu ni tabia kwa wasanii kutembeleana pindi bendi ingine inapokuwa na show na ingine kutokuwa na show, ndipo nilipoanza upekupeku wangu kwa mkurugenzi wa bendi ya Wakaliwao Thabit Abdul nikitaka kujua kulikoni Vuvuzela anaonekana hapa kila mnapokuwa na show?. Thabit kwa kauli thabiti isiyokuwa na hofu yoyote alisema.
Vuvuzela ni msanii wa Wakaliwao kwa sasa na ndio maana tumekuwa tukimjumuisha katika posters zetu tunazobandika mitaani, kuna mambo madogomadogo tuna malizana nae baada ya hapo, Tutaanda onyesho maalum la kumtambulisha ndani ya bendi hii. Vile vile kuna msanii mwingine mkubwa wa kike muimbaji tupo katika mazungumzo nae ya mwisho na tutakapo afikiana nae kila kitu tutaweka wazi nikiwa na maana tutamtangaza rasmi ndani ya bendi hii.. Nia ni kuboresha zaidi safu ya waimbaji wangu.
Hakuna maoni:
Chapisha Maoni