TETESI:- ASHURA MACHUPA KUJIUNGA NA OGOPA KOPA CLASSIC BENDI!.

NA KAIS MUSSA KAIS

           Bendi ya Ogopa Kopa Classic inasemekana ipo mbioni kumnyakuwa muimbaji tegemezi kwa sasa wa bendi ya G5 Modern Taarab Ashura Machupa ili kuimalisha zaidi safu ya waimbaji, habari iliyotufikia toka kwa kachero wetu inasema kuwa Ashura Machupa ameahidiwa donge nono pamoja na wimbo mpya ambao utakuwemo katika albam mpya ya bendi hiyo.

Ashura Machupa

        Dawati la mtandao huu ilipofikishiwa taarifa hizi ilinyanyua simu na kumpigia Ashura Machupa lakini simu yake haikupatikana hewani, ndipo tulipompigia mkurugenzi mkuu wa bendi ya G5 Hamisi Slim ambae nae alisema kuwa hana taarifa hizo na wala hajafikishiwa, inawezekana ikawa mambo haya wanayafanya kinyemela mimi sifahamu kwakweli.

      Nijuavyo mimi Ashura ni msanii wa G5 na kama atakuwa yupo mbioni kuelekea huko naamini taarifa itanifikia tu, inasemekana kuna msanii mmoja wa kiume ndani ya Ogopa Kopa Classic Bend jina kapuni ndio kinara wa kumshawishi Ashura Machupa kujiunga na bendi hiyo inayokuja kwa kasi mno. Wadau na wasomaji wa ubuyuwatarrabutz.blogspot.com tunawaahidi kufuatilia suala hili kwa kufanya mazungumzo na mkurugenzi mkuu wa Ogopa Kopa malkia Khadija Omary Kopa afafanue juu ya uvumi huu je ni kweli?, vile vile tutaendelea kumtafuta Ashura Machupa ili nae awajuze wapenzi na mashabiki zake juu ya tetesi hizi zina ukweli wowote juu yake?.