ASYA MARIAM:- WIMBO WA "SIONI THAMANI YA PENDO" NI KISA CHA KWELI KILICHONITOKEA KWA MZAZI MWENZANGU.

NA KAIS MUSSA KAIS.

              Unapolitaja jina la Asya Mariam au Asya Utamu kwa sasa katika tasnia hii ya muziki wetu wa taarab basi hakuna ambae hajui nini anafanya kwa muda huu dada huyu!, Asya Mariam kwa sasa ni msanii wa Wakaliwao Modern Taradance ijapokuwa mimi nilianza kumfahamu wakati yupo Coast Modern Taarab.

         Asya anatamba na wimbo wa "Sioni thamani ya pendo" wimbo uliotungwa nae mkombozi Thabit Abdul ambae ni mkurugenzi na Director wa Bendi ya Wakaliwao Modern Taradance, siku ya jana jumapili kwenye kipindi cha taarab cha Cloud's redio kinachoongozwa na Geah Habibu, mgeni mwalikwa alikuwa ni Asya Mariam, pamoja na mengi yaliyozungumzwa ni point mbili tu ndio ambazo zilikuwa gumzo kwa wasikilizaji.

ASYA MARIAM. "Asya Utamu".

       Jambo la kwanza ni kuhusu wimbo wake mpya wa Sioni thamani ya pendo, alisema Asya Mariam kwamba mashairi ya wimbo huo yanagusa sana maisha yake pamoja na mzazi mwenzie ambae hakumtaja jina, anasema maisha yake yalikuwa na misukosuko mingi sana, sasa alipopewa shairi hilo na kulisoma alishangaa kukuta ni kama alitungiwa yeye maana ilikuwa inaendana haswa na maisha yake binafsi, nilimuuliza Thabit mbona haya mashairi yananigusa au umenitungia mimi juu ya maisha yangu?, Thabit akasema hapana ni Maneno ya kawaida tu na wala sijui lolote kuhusu maisha yako na mzazi mwenzio.

     Ukisikiliza kwa makini nimeuimba kwa hisia kubwa sana wimbo huo Coz unanigusa sanaaa!. Sitaki kusema kitu zaidi juu ya maisha niliyokuwa naishi na mwenza wangu ila kikubwa watu wajue kwamba ni mashairi yanayogusa maisha yangu niliyoishi na mwenzangu kwa asilimia 80%.

ASYA MARIAM  "asya utamu".

    Point ya pili ni pale aliposema kwamba alitoka Wakaliwao kwa muda Coz maneno ya msanii mwenzake ambae Boyfriend wake alikuwa anamtumia sms yeye Asya na kuambiwa kwamba hajui kuimba kumpita huyo msanii mwengine ambae hakumtaja jina! hili jambo lilikuwa linaniuma sana na nililifikisha kwa uongozi lakini hakuna hatua yoyote iliyochukuliwa dhidi ya huyo msanii wala huyo Boyfriend wake, nikaona nadhalauliwa na sitakiwi...kifupi sikuwa na thamani.


     "MAHOJIANO:- Thabit Abdul & ubuyuwataarabutz.blogspot.com".

                  Mtandao huu uliamua kumpigia simu mkurugenzi Thabit Abdul ili kuelezea kwa sasa hivi Asya Mariam yupo bendi gani?, alianza kwa kusema kwamba Asya Mariam ni msanii wa bendi yake mpaka sasa ijapokuwa kuna tetesi zimezagaa mjini kwamba anataka kwenda Jahazi Modern Taarab, Hizo sijafikishiwa rasmi na kama zitanifikia nitawajuza wapenzi wote wa taarab na Wakaliwao kwa ujumla. kikubwa waendelee kutupa sapoti kwani kuna mambo makubwa sana tumepanga kuyafanya ndani ya mwaka huu mpya wa 2015. Pia Asya analalamika kwamba kuna Boyfriend wa muimbaji mwenzie amekuwa akimtumia sms za kashfa na kumuambia kwamba hajui kuimba na tayari kwa maelezo yake kuwa uongozi wa wakaliwao ameufikishia malalamiko haya na mpo kimyaa! je unasemaje kuhusu hizi tuhuma?, Ni kweli hizo taarifa zilifikishwa kwetu na tumeshazishughulikia na ndio maana umeona Asya Mariam amerudi tena kundini.