MWALIMU NASSORO:- WAKALIWAO MODERN TARADANCE TUPO FITI HATUOGOPI MIKIKI MIKIKI YA WAPINZANI.

NA KAIS MUSSA KAIS.

              Mwalimu Nassoro ni muimbaji tegemezi wa bendi ya Wakaliwao Modern Taradance, kwa sasa msanii huyu anatamba na wimbo wake mpya uitwao "Naishi naisha", unapopata nafasi ya kutembelea pale Flamingo Nighty Club siku za ijumaa basi utakutana na kijana huyu mtanashati akifanya yake.

MWALIMU NASSORO KATIKA POZI.

          Nilipata bahati ya kuzungumza nae siku ya jumatano pale Maisha Club ambapo alikuja kuburudika na wana kibao kata kwani siku hiyo bendi yake ilikuwa haina ratiba ya kufanya show. Nilianza kwa kumpongeza kwa juhudi zake binafsi za kujiendeleza kwani safari yake ya muziki imekuwa na misukosuko ya kukatishwa tamaa lakini alisimama imara na kuhakikisha anafanikisha kile nafsi yake inapenda.

MWALIMU NASSORO AKIWA AMETULIA SALOON KWAKE MAENEO YA MBAGALA JIJINI DAR.

      Ahsante sana ndugu yangu alishukuru, ni kweli safari yangu kimuziki imezungukwa na mambo ya ajabu ikiwemo kukatishwa tamaa na watu wangu wa karibu kabisa, lakini namshukuru mungu alinipa ujasiri mpaka sasa nimeweza kufika hapa nilipo japo kwa kiasi furani nafahamika. Thabit Abdul Director, mkombozi yeye ndio aliniamini na kunipa wimbo wa Naishi naisha nikaurekodi na wadau wameupokea vizuri sana!.


      Nilipomuuliza nini matarajio yake ya baadae akiwa na Wakaliwao? alisema sisi timu nzima ya Wakaliwao tupo fiti na wala hatuogopi mikiki ya wapinzani!, kuna wimbo wangu mpya ndio unaandaliwa kwa ajili ya albam ijayo hivyo wapenzi na mashabiki wangu na wa Wakaliwao wajiandae kupata kitu roho inapenda.