SHABBAN KINANDA AIHAMA DAR MODERN NAKUJIUNGA NA COAST MODERN TAARAB!.

NA KAIS MUSSA KAIS.

                  Mpiga kinanda DOGO na anaekuja kwa kasi ya ajabu Shabban Kinanda ambae alikuwa ni msanii wa Dar Modern Taarab amejiengua toka katika bendi hiyo na kujiunga na Coast Modern Taarab yenye maskani yake mtoni mtongani jijini Dar.

         Mtandao huu ulipopata taarifa hizi tulimtafuta mlengwa ambae ni Shabban mwenyewe kwa takribani siku tatu bila mafanikio, ndipo tulipoamua kufunga safari mpaka mtoni mtongani na kubahatika kumpata Shabban akiwa amekaa klabuni kwa Coast Modern Taarab bendi inayoongozwa na Omary Tego "The special One".

SHABBAN KINANDA AKIWAJIBIKA STEJINI.

         Tulianza kwa kumuuliza je hizi tetesi zilizozagaa jijini Dar kwamba umeihama Dar Modern na kujiunga na bendi ya Coast Modern Taarab zina ukweli wowote?, Nae alianza kwa kusema ni kweli kaka mimi kwa sasa ni msanii wa Coast Modern Taarab, na nashukuru nimepokelewa vyema sana na wasanii wenzangu hapa pamoja na mkurugenzi wangu mkuu Omary Tego.

       Nini sabababu iliyokufanya ukaihama bendi ya Dar Modern wakati ulikuwa na nafasi nzuri tu pale wewe na Kamongo Mr Bean mlikuwa kama mapacha katika kinanda?, aah! nimeona nibadilishe upepo kidogo ili kujikomaza zaidi kisanaa unajua hii mimi ndio kazi yangu na naithamini sana hivyo kubadilika ni katika kutafuta uzoefu zaidi na wala sivinginevyo, sina tatizo na msanii yeyote pale Dar Modern, pia viongozi wake nipo nao vizuri tu.

SHABBAN KINANDA AKIPAPASA KINANDA.

       Tulipomtafuta mkurugenzi wa Coast Omary Tego ili kuthibitisha hili simu yake haikupatikana ila tunawaahidi wasomaji wetu kuwaletea maelezo ya mkurugenzi huyo pamoja na meneja wa Dar Modern Mr Bakari....hapa hapa katika mtandao bora wa ubuyuwataarabutz.blogspot.com USIKOSE!!.