HATIMAE YAMETIMIA, SHABBAN KINANDA AITOSA COAST MODERN TAARAB NA KUJIUNGA NA............!!.

NA KAIS MUSSA KAIS.

              Hayawi hayawi sasa yametimia, siku chache zilizopita mtandao huu makini uliandika habari zinazomuhusu mpigaji kinanda anaekuja kwa kasi kwa sasa Dogo Shaabban Kinanda kutakaka kujiunga na bendi ya Ogopa Kopa Classic Bendi.

           Hatimae leo majira ya saa kumi na moja za jioni mwanamuziki huyo amesaini rasmi kuitumikia bendi ya Ogopa Kopa kwa mkataba wa mwaka mmoja. Mtandao huu ulifanya mahojiano kwanza kabisa na meneja wa bendi ya Ogopa Kopa Mr Feruzi, na kutaka kujua ni nini sababu kubwa iliyomshawishi mpaka kuipata saini ya mpiga kinanda huyo? nae alikuwa na haya ya kusema;-

SHABBAN KINANDA AKIWAJIBIKA.

MR FERUZI;- Kitu kikubwa kilichonishawishi mimi kama meneja wa Ogopa Kopa kuitafuta saini ya kijana huyu kwa udi na uvumba ni uwezo alionao katika upigaji wa kinanda na kubwa kuliko yote ni nidhamu aliyonayo katika bendi zote alizopitia ikiwemo Dar Modern na Coast Modern Taarab kwani nimekuwa nikimfuatilia kwa muda mrefu sehemu zote alizokuwepo.

   Kwa upande wa Shabban mwenyewe alisema kwanza amefurahi sana kujiunga na bendi hiyo, na kilichomvutia zaidi ni kufanya kazi jukwaa moja na malkia wa taarab nchini Khadija Omary Kopa kwani ndio ilikuwa ni ndoto yake kubwa tokea alipoingia katika tasnia hii ya taarab nchini.

SHABBAN KINANDA AKIWA MAZOEZINI.

   Mtandao wa ubuyuwataarabutz.blogspot.com unampongeza Shabban Kinanda kwa kufanikiwa kutimiza moja kati ya ndoto zake nyingi alizonazo katika kufikia mafanikio ya muziki huu hapa nchini...hongera sana Shabban Kinanda.