UJIO MPYA WA BENDI YA UTALII MODERN TAARAB, YAZITINGISHA BENDI KONGWE NCHINI.

NA KAIS MUSSA KAIS.

      Utalii Modern Taarab ni bendi mpya kabisa ambayo imeanzishwa chini ya mkurugenzi mkuu Mr Dickson Maimu, Bendi hii iliyo na maskani yake Mikocheni jijini Dar-es-salaam kwa sasa wameshatambulisha nyimbo takribani tatu na zimekuwa zikifanya vizuri katika vituo mbalimbali vya redio nchini pamoja na nchi za Jirani.

KUNDI ZIMA LA UTALII MODERN TAARAB- WAKIWA KATIKA POZI.

       Nyimbo ambazo tayari zimeshaachiwa na bendi hii  ambazo ni  Audio ni pamoja na:-
                    1. Ridhiki Haina mwenyewe- iliyoimbwa na [Maina Thadei a.k.a. Sure Lady]
                    2. Naiogopa Kesho-iliyoimbwa na [Mwinyimkuu Hussein a.k.a. Genenal Silver Stone]
                    3. Shida Simu- Wameimba kwa pamoja yaani [Maina Thadei na Mwinyimkuu Hussein]

MUIMBAJI WA UTALII MODERN TAARAB-MAINA THADEI.

      Akizungumza kwa kujiamini Mkurugenzi wa bendi hii Mr Dickson Maimu alisema kwamba yeye amekuja kuleta mapinduzi katika tasnia hii ya taarab nchini Tanzania, kuna vitu vingi vimekuwa vikikosewa na wamiliki wenzangu wa vikundi au bendi za taarab, lakini kupitia mimi watajifunza mengi kwani nimejipanga vyema kuleta upinzani wa kimaendeleo na mageuzi yenye tija katika muziki wa taarab nchini mwetu.

      Kwa upande wa Mwinyimkuu Hussein, Yeye amesema mwanzoni hakutegemea kama itafika siku ataimba muziki wa Taarab, Imekuja kama Surprise tu, baada ya kuambiwa na mkurugenzi wetu kwamba inatubidi tuimbe Taarab!, ilinishitua kwakweli ila kwakuwa mimi ni mwanamuziki ninae jiamini nilikaa chini nikatuliza kichwa na kutoka na wimbo huo ambao kwa sasa umekuwa gumzo kila kona ya jiji na vitongoji vyake..

MWINYIMKUU HUSSEIN WA UTALII MODERN TAARAB AKIWA STEJI.

   Nae Maina Thadei kwa upande wake alimshukuru mkurugenzi Mr Dickson Maimu kwa kugundua kwamba anaweza kuimba taarab na kumpa shairi ambalo alilitendea haki kwa kuliimba vyema kabisa, jambo linalomfanya kuwa na faraja kubwa kwani mapokeo ya wimbo huo kwa jamii yamekuwa makubwa tofauti nae alivyotegemea.

      Ikumbukwe kwamba Utalii Bendi ni Crew kubwa sana ambalo ndani yake kuna kila fani ukiachilia mbali taarab pia kuna watu wa dansi, watu wa maigizo, watu wa muziki wa asili pamoja na Bongo fleva.. Wadau tuwapokee wana Utalii Modern Taarab, tuwasapoti kwa kazi zao nzuri na pia tuwaunge mkono kwani mapinduzi wanayokuja nayo yatasogeza mbele maendeleo ya wasanii na mabendi kwa ujumla katika kuwanufaisha wasanii husika.