SHINUNA KASIM AITOSA T MOTTO, AJIUNGA NA 5 STAR'S MODERN TAARAB..

NA KAIS MUSSA KAIS.

      Aliekuwa muimbaji wa bendi ya Tanzania Motto Modern Taarab "T MOTTO" Shinuna Kasim, mdogo wake na Jokha Kasim amejiunga na bendi ya five star's modern taarab iliyo chini ya mkurugenzi Ally J.

SHINUNA KASIM AKIWA STEJI.

   Akizungumza kwa njia ya simu na mtandao huu makini Shinuna alisema ni kweli kwa sasa mimi ni msanii wa bendi ya five star's na sikushawishiwa na yeyote kujiunga nao isipokuwa ni matakwa yangu mimi mwenyewe, sanaa yoyote ina safari ndefu sana, kwa upande wangu pia nahisi bado nipo safarini katika kutafuta mafanikio zaidi.

 Nae mkurugenzi wa bendi hiyo Ally J alithibitisha hilo kwa kukili kwamba Shinuna Kasim kwa sasa ni muimbaji wa bendi yake na kuna mambo mazuri amemuandalia ili kumfanya Shinuna kuja kivingine tena.

 Ikumbukwe Shinuna Kasim ni miongoni mwa wasanii waliokuwa wakiunda kundi zima la T MOTTO na katika albam ya Domo la Udaku aliimba wimbo mmoja uitwao "Mwanamke Hashuo" huyo ndio Shinuna Kasim mali ya five star's kwa sasa.