DUA YA KUWAOMBEA WALIOFARIKI KATIKA AJALI YA 5 STAR'S MODERN TAARAB KUFANYIKA TAREHE 21/03/2015.

NA KAIS MUSSA KAIS.

           Dua ya kuwaombea marehemu wote waliofariki katika ajali ya five stars modern taarab ambayo ilitokea usiku wa kuamkia tarehe 22 mwezi wa tatu mwaka 2011 huko mikumi morogoro, inatarajiwa kufanyika katika msikiti wa mtoro kariakoo jijini Dar siku ya jumamosi tarehe 21 mwezi huu.

HII NDIO GARI AINA COSTER AMBAYO ILIPATA AJALI NA KUUWA WASANII 13 WA 5 STARS.

    Akizungumza na mtandao huu mkurugenzi na Director wa bendi ya Five stars Ally J, alisema kuwa Dua hiyo inarajia kufanyika baada ya swala ya magharibi ndani ya msikiti huo wa mtoro na amewaomba wadau na watu wakawaida wenye mapenzi mema na marehemu wetu kujitokeza kwa wingi kwa ajili ya kufanikisha kisomo hicho.

BI MWANAHAWA ALLY MIONGONI MWA WALIOPATA MAJERAHA KATIKA AJALI HIYO. HAPA AKIWA HOSPITALINI.

GARI ILIYO BEBA MBAO NDIYO ILIYOKUWA CHANZO CHA AJALI HIYO MBAYA.

WANANCHI WAKISAIDIA KUTOA MIILI YA MAREHEMU KATIKA AJALI HIYO MBAYA.

   Ikumbukwe kuwa katika ajali hiyo wasanii 13 walifariki dunia na wachache kupona, miongoni mwa waliopona katika ajali hiyo na kupata majeraha machache ni pamoja na Ally J mwenyewe, Issa Kamongo, Zena Mohamedy, Bi Mwanahawa Ally na wengineo. Hammer Q yeye alishuka njiani kabla ya ajali kutokea.