KING'S MODERN TAARAB KUJA NA NYIMBO TATU MPYA KALI!.

 NA KAIS MUSSA KAIS.

            Bendi ya king's modern taarab iliyo chini ya Director kijoka ipo kambini kwa sasa maeneo ya mburahati madoto kuandaa albam mpya kabisa, lakini kwa kuanzia jumatatu ya wiki ijayo wataingia studio kurekodi nyimbo zipatazo tatu pale soundcrafters temeke jijini Dar.

KING'S MODERN TAARAB ENZI ZAO!.

    Akizungumza na mtandao huu Mr Kijoka alisema kuwa ukimya wao mkubwa uliojitokeza walikuwa wanajipanga ili kuja kuleta ushindani mkubwa katika muziki huu, Unajua kwakuwa bendi ilikuwa kimya muda mrefu basi hata ujio wake unatakiwa uwe wa nguvu na wala sio wa kitoto.

      Nyimbo zinazotarajiwa kurekodiwa na majina ya waimbaji yakiwa kwenye mabano ni:-

                          1. Siadhiriki kwa roho mbaya zenu-[khadija Juma]

                          2. Vidudu mtu-[Mariam wa mbezi]

                          3. Wema umepotea yamebaki masimango-[khadija msewa]

WAIMBAJI WAPYA WA KING'S MODERN TAARAB WAKIWA MAZOEZINI.

     Ikumbukwe bendi hii ya king's modern taarab mwishoni mwa mwaka jana viongozi wake Mr Kijoka na aliekuwa mkurugenzi wa bendi hiyo Hamisi Majaliwa walitofautiana hali iliyopelekea bendi kugawanyika na kupatika bendi mbili moja ikiitwa Maja's modern taarab chini ya Hamisi Majaliwa na ingine ni King's modern taarab chini yake Director Kijoka.