UTALII MODERN TAARAB YAMNYEMELEA IBRA KAMONGO "MR BEAN" WA DAR MODERN!.

NA KAIS MUSSA KAIS.

            Bendi ya Utalii Modern Taarab inayokuja kwa kasi kwa sasa hapa nchini imekuwa ikinyemelea saini ya mpiga kinanda wa Dar Modern Ibra Kamongo kwa kasi ya ajabu mtandao huu umegundua deal hili, mipango hii imekuwa ikisukwa na mdau mmoja mkubwa sana katika tasnia hii ya Taarab nchini

IBRA KAMONGO AKIWAJIBIKA KATIKA KINANDA.

   Sababu kubwa ya kumuhitaji mpiga kinanda huyu wa pekee wa Dar Modern kwa sasa ni kushika nafasi ya Thabit Abdul ambae habari zilizopo ni kuwa juhudi za kumbakisha ndani ya bendi ya Utalii zimeshindikana kwa kuwa ana bendi yake ya Wakaliwao Modern Taradance.

IBRA KAMONGO AKIMUELEKEZA MSANII UIMBAJI.

 Tulimtafuta Ibra Kamongo ili azungumzie taarifa hizi lakini alikuwa mzito kuthibitisha hili moja kwa moja! ila alichosema tusubiri tuone kitakachotokea hapo baadae siwezi kuwa na jibu la haraka!. Mtandao huu wa ubuyu wa taarabu umelifuatilia hili suala na kuthibitishwa na mtu wa ndani kabisa wa bendi ya Utalii, kuwa ni kweli, ila mazungumzo bado yanaendelea baina yao. Huu ni mchezo wa "mafahali" ila kamongo mwenyewe ameendelea kulifanya siri kubwa jambo hili. tungoje tuone nini mwisho picha hii!!.