MVUA KUBWA ZASABABISHA SHOW MBILI ZA GUSAGUSA MIN BENDI KUAHIRISHWA!.

NA KAIS MUSSA KAIS.

           Mvua kubwa zinazoendelea kunyesha katika jiji la Dar-es-salaam kwa sasa zimesababisha show mbili za bendi ya Gusagusa min bendi kuahirishwa, show hizo ambazo moja ilikuwa ifanyike jana pale Max hall ilala na ingine ifanyike leo lango la jiji magomeni mikumi zote hazikuweza kufanyika kwa sababu ya mvua kali ambazo zinanyesha mfululizo bila kuacha.

WAIMBAJI WA GUSAGUSA MIN BENDI WAKIWA KATIKA POZI.

       Akizungumza na mtandao huu Balozi wa Gusagusa kwa sasa Mamaa Asya Idarous Khamsin alisema mvua ni neema toka kwa muumba wetu lakini wakati mwingine huleta maafa kwa wakazi mbalimbali waishio mabondeni, kwahiyo kwa namna moja ama ingine nasi pia tumekuwa waathirika sababu pia hatuna uhakika na show ya kesho pale safari carnival itakuwaje!.

      Kama ambavyo mtandao huu uliripoti pale mida ya mchana kwamba mvua hizi zinazoendelea kunyesha zinaweza kuleta hasara ya mamilioni kwa baadhi ya waandaaji wa show mbalimbali za taarab, tukatolea mfano wa show ya Jahazi modern taarab na Mashauzi classic kuwa ni miongoni mwa waathirika ikiwa mvua hizi zinazoendelea kunyesha hazitoacha.