MVUA YASABABISHA SHOW YA JAHAZI MODERN TAARAB NA MASHAUZI CLASSIC KUSOGEZWA MBELE!/

 NA KAIS MUSSA KAIS.

Onyesho la bendi mbili kubwa za taarab Jahazi Modern Taarab na Mashauzi Classic Modern Taarab lililokuwa lifanyike leo Travertine Hotel, limeahirishwa hadi Jumapili ijayo na badala yake leo kutakuwa na onyesho la kawaida la Jahazi chini ya Mfalme Mzee Yussuf.

Kuahirishwa kwa onyesho la Jahazi na Mashauzi kumetokana na mvua iliyosababisha kuchelewesha ufungwaji wa jukwaa kubwa pamoja na mambo mengine muhimu yaliyohitajitajika katika maandalizi ya onyesho hilo.

Mzee Yussuf ameiambia Saluti5 kuwa mvua zimekata saa 10 alasiri kitu ambacho hakikutoa fursa ya kufunga jukwaa kubwa.

Hata hivyo Mzee Yussuf amesema Isha Mashauzi atakuwepo Travertine na ataimba wimbo wa “Yawenzenu Midomoni” ili kuwapa uhondo mashabiki wao wa kila Jumapili kwa kiingilio cha shilingi elfu 7 tu.

Mzee Yussuf amewataka mashabiki waliokata tiketi za awali wazitunze kwaajili ya Jumapili ijayo.Habari kwa hisani ya mtandao wa Saluti5!.