NOAH VOXY YA KHADIJA OMARY KOPA YAPATA AJALI MBAYA, PATA PICHA 5 ZA GARI HIYO BAADA YA AJALI!.

NA KAIS MUSSA KAIS.

             Gari ya malkia wa taarab nchini Tanzania, Bibie Khadija Omary Kopa lenye usajili namba "T586 CSF" aina ya Noah Voxy nyeusi, juzi usiku lilipata ajali mbaya maeneo ya ubungo, wakati dereva anatoka kuwapeleka wasanii maeneo ya kimara ambapo walikuwa wanafanya show siku hiyo.

GARI YA KHADIJA KOPA BAADA YA AJALI.

       Chanzo haswa cha ajali hiyo ni umakini barabarani kwani dereva alijisahau kwamba mbele yake kuna tuta kubwa kwahiyo inampasa kupunguza mwendo, lakini yeye alipita kwa mwendo mkubwa hali iliyopelekea kuachia usukani na gari kuyumba na kuhama njia ikaelekea pembeni ya barabara ikagonga mti uliokuwepo maeneo hayo.

TASWIRA INAYOONEKANA KWA PEMBENI BAADA YA AJALI.

GARI YA BREAK DOWN IKIWA IKILIVUTA GARI LA KHADIJA KOPA BAADA YA AJALI.

INAVYOONEKANA KWA MBELE BAADA YA AJALI.

   Katika ajali hiyo hakuna aliepoteza maisha ila Dereva anaefahamika kwa jina la Maulidy alipasuka usoni ambapo alishonwa nyuzi mbili pamoja na mguu wake wa kulia pia ulipata michubuko kidogo, gari nayo ilipondeka sana sehemu ya mbele. Ikumbukwe miaka mitatu au minne iliyopita Khadija Omary Kopa aliibiwa gari yake aina Noah ingine na ikakamatwa mkoani Arusha na kurudishwa Dar. Leo tena gari yake inapatwa na ajali!.

HUU NDIO MUONEKANO WA KWENYE BONETI BAADA YA AJALI.

   Mtandao huu unapenda kumpa pole Khadija Omary Kopa kwa ajali hii, ila tunapenda kumtia nguvu kwamba asikate tamaa, na kila linalotokea anapaswa kumshukuru mungu kwani yeye ndie mpangaji wa kila jambo.