SPIDER ENTERTAINMENT WAANDAAJI WA MATAMASHA YA TAARAB NCHINI WASIO NA MPINZANI.

NA KAIS MUSSA KAIS.

               Bendi nyingi za taarab hapa nchini mwetu Tanzania zimekuwa zikipata wakati mgumu sana kupata zile show za kukodiwa, na hii inatokana na uchanga au kutokukubalika sana kwa bendi hizo, ila kwa sasa mkombozi amepatikana nae si mwingine isipokuwa ni kampuni ya "SPIDER ENTERTAINMENT COMPANY" yenye makazi yake temeke jijini Dar.

MKURUGENZI WA SPIDER ENTERTAINMENT COMPANY MADAME MWANTUMU.

       Kampuni hii ambayo imefanya kazi na baadhi ya bendi hapa nchini kama vile Ogopa kopa Classic bendi ambao walipelekwa mkoani mtwara, Gusagusa min bendi, Majaz modern taarab, Tanga stars modern taarab, G5 modern taarab na kwa sasa wapo katika hatua za mwisho kuhakikisha wanafanikiwa kuipeleka Jahazi modern taarab mkoani tanga siku ya tarehe 10 na 11 ya mwezi wa nne.

MADAME MWANTUMU, TEGEMEO LA BENDI ZA TAARAB KWA SASA.

      Akizungumza na mtandao huu makini mkurugenzi wa kampuni hii Madame Mwantumu amesema nia yake kubwa ni kusaidia vijana kupata ajira na pia kuhakikisha ile hadhi ya muziki wa taarab inarudi kama zamani enzi zile za TOT na MUUNGANO. nimejipanga vyema sijakurupuka kuingia katika biashara hii, baada ya kumaliza show na Jahazi nina matarajio ya kuichukuwa bendi ya Mashauzi modern taradance nifanye nao kazi alimalizia kwa kusema.

    Mtandao wa ubuyuwataarabutz.blogspot.com kwa pamoja na dawati zima la habari tunamtakia mafanikio mema mjasiliamali huyu ambae amejitoa kupambana ili kuleta mabadiliko na bendi kupata shows, ushauri wetu kwake anatakiwa ageukie na hizi bendi ndogo ndogo pia kwani hawa wote ni abilia wake!.