"NAJUTA KUPENDA" YA ASYA MARIAM WA WAKALIWAO MODERN TARADANCE KUTAMBULISHWA RASMI KESHO!.

NA KAIS MUSSA KAIS.

             Wimbo uliokuwa gumzo kwa muda mrefu midomoni mwa wapenzi na wadau wa taarab afrika mashariki na kati "Najuta kupenda" ulioimbwa nae "Asya mariam" akiwa na wakaliwao modern taradance unarajiwa kutambulishwa katika vyombo vya habari kesho jumapili tarehe 26/7/2015.

          Akizungumza na mtandao huu mkurugenzi wa wakaliwao modern taradance Thabit Abdul mkombozi alisema niliahidi kutoa wimbo huu mpya baada ya mwezi mtukufu wa ramadhan kuisha na sasa natimiza ahadi yangu kwa wapenzi na wadau wa taarab nchini tanzania na duniani kwa ujumla. Ikumbukwe kuwa huu ni muendelezo wa ule wimbo wa Asya utamu wa "Siioni thamani ya pendo" unaotamba katika vyombo vya habari kwa sasa!.

ASYA MARIAM "UTAMU" MUIMBAJI WA WAKALIWAO MODERN TARADANCE!.

        Wapenzi wategemee kupata radha tamu na ujumbe ulioenda shule toka kwa Asya utamu kwani mara nyingi amekuwa akifanya vizuri katika nyimbo zake zote!, wakati huo huo maandalizi ya uzinduzi wa bendi hiyo ya wakaliwao modern taradance yanaendelea vizuri na mambo mengi mazuri yatafanyika siku hiyo sambamba na kutambulishwa wasanii wapya waimbaji tena wenye majina makubwa ambao wamejiunga na bendi hiyo katika kukiimalisha zaidi kikosi hicho. uzinduzi utafanyika siku ya jumamosi tarehe 1/8/2015 katika ukumbi wa Dar live mbagala jijini Dar. wapenzi mnaombwa kujitokeza kwa wingi sana siku hiyo!.