BAUNSA WA MZEE YUSUPH AJERUHIWA KWA RISASI MKOANI KILIMANJARO!.

NA KAIS MUSSA KAIS.

                Siku ya  jumamosi team nzima ya Jahazi morden taarab walikua wakitoa burudani kwa mashabiki zao wa Moshi.

Kwa mujibu wa Mzee Yusuph anasema kuna mtu alikuja akawa anataka kuingia bure na kujitapa kwamba yeye halipi.Baunsa akaanza kujibishana nae na kumueleza kwamba haiwezekani kuingia bure.

Baada ya kuambiwa hivyo huyo mtu aliweza kuondoka kisha akarudi tena kwa mara ya pili akalipa hela ya kiingilio akaruhusiwa kuingia. Lakini baada yakuingia hakukaa sana ndani akarudi tena kwa baunsa na kuanza kumtolea lugha ya matusi,awali baunsa hakuweza kumjibu kitu ila mwishowe baunsa alimwambia “wewe tukana najua leo umekuja na gari ya shemeji” maneno ambayo yalimkera huyo jamaa na kuamua kumpiga baunsa ngumi ya shingoni hapo ndipo ugomvi ulipoanzia na mwishowe jamaa akatoa bastola nakumpiga baunsa risasi.

Kwa sasa mtu huyo anashikiliwa na polisi na baunsa yupo katika hospitali ya KCMC akiendelea na matibabu...Habari kwa hisani ya Geah habib wa cloud's fm.