DIDAS ENTERTAINMENT:- SAFARI YA GUSAGUSA UINGEREZA TUTAMUONGEZA NA KHADIJA YUSUPH WA JAHAZI.

NA KAIS MUSSA KAIS.

        Gusagusa min bendi ni bendi inayochachafya vichwa vya watu kwa sasa kutokana na ubora wake unaoongezeka karibia kila kukicha, habari ya mjini kwa sasa ni juu ya safari ya bendi hiyo kuelekea UK kufanya show zaidi ya mbili katika majiji tofauti

      Akizungumza na mtandao huu Mama mlezi au ukipenda muite balozi wa Gusagusa kwa sasa Asya Idarous Khamsin, amesema kampuni inayodhamini safari hiyo ya Didas Entertainment imeamua kumjumuisha na Khadija Yusuph wa Jahazi Modern Taarab katika ziara hiyo, lengo kuu ni kuwapa burudani wakazi wa UK hususani wale mashabiki wa muimbaji huyo mahiri hapa nchini Tanzania.

BI MWANAHAWA ALLY KUSHOTO, BI AFUA SULEIMAN "B 52" KATIKATI NA KHADIJA YUSUPH WA MWISHO KULIA WATAKUWEPO SAFARINI.

       Nae Didas Facion Turabi ameuambia mtandao huu kuwa kampuni yake imeamua kuipeleka UK bendi hii ya Gusagusa sababu imekuwa ikitakiwa sana na mashabiki wake wa UK kulingana na muziki wake wa Taarab asilia ambao wamekuwa wakiupiga, Bendi hii ambayo ipo chini ya mkurugenzi mkuu Hassan Farouk, Katibu Foni Chupa na meneja Kais Mussa Kais, ifikapo mwezi wa nne pia wanatarajia kwenda Dubai kwa ziara ya maonyesho matano na pia mdhamini wa maonyesho hayo ya Dubai atakuwa ni mlezi wa bendi hiyo Asya Idarous Khamsin akishirikiana na kampuni ya Didas Entertainment.

       Hayo ni ya Gusagusa min bendi, ambao ratiba zao za maonyesho kila wiki ipo kama ifuatavyo, siku ya ijumaa huwa inakuwepo pale Max Bar ilala kuanzia saa tatu usiku, siku ya Jumamosi bendii huporomosha raha zake katika ukumbi wa Lango la jiji magomeni mikumi kuanzia saa tatu usiku hadi majogoo, na siku ya Jumapili huwa pale kiwanja cha kisasa zaidi ufukweni mwa Bahari ya Hindi Safari Canirval kawe Dar chini ya Asya Idarous Khamsin nyote mnakaribishwa kula rahaaaaaaaa!!.