NEEMA ZAENDELEA:- GUSAGUSA MIN BENDI, NDANI YA MAISHA CLUB KILA JUMATANO!.

NA MWANDISHI WETU.

                Kuna msemo wa kiswahili usemao "Aliejaaliwa nyota ya bahati kuizima kwake ni kazi!", Alipoingia katika bendi ya Gusagusa Min Bendi meneja Kais Mussa Kais akitokea Supershine Modern Taarab maneno yalisemwa mengi bila kujali utendaji wa meneja huyu kwa mifano kutoka katika bendi alizowahi kuziongoza, Inshort nyota ya meneja huyu kwa sasa inang'aa sana.

SABAHA SALUM MUCHACHO.

          Nimeanza kwa maneno hayo kulingana na muda mchache ambao meneja huyu ameingia kuiongoza bendi hii na mafanikio ambayo yamekuwa yakijitokeza kila kukicha, Stay tune!!...Kuanzia Jumatano ya tarehe 28/01/2015 na Jumatano zote zitakazofuatia bendi yako ya Gusagusa itakuwa inashusha burudani ya nguvu ndani ya ukumbi wa "Maisha Club".

BI AFUA SULEIMAN "B 52".

       Mtandao huu uliamua kumpigia simu mkurugenzi Hassan Farouk ili aizungumzie Show hii mpya kwao na je anawaambia nini wapenzi na mashabiki wa bendi hii? Kwanza alianza kwa kumshukuru mungu na kusema, mimi kama mkurugenzi nimepokea Kazi hii kwa furaha na bashasha kubwa kwani sasa hivi Gusagusa Min Bendi naweza kusema tumepanua wigo zaidi wa mashabiki wetu kwa kuwaongeza na wengine ambao walikuwa wanaisikia tu bendi yetu. Zilipoongezeka show za Safari Carnival na hii ya Maisha Club kumetufanya sisi Gusagusa kutembea kifua mbele kwa mafanikio haya tuliyoyapata.

BI MWANAHAWA ALLY "JEMBE GUMU".

       Nae Katibu Mkuu wa bendi hii Foni Chupa alipopigiwa simu na Dawati letu la habari alisema, Siku zote mungu atabakia kuwa mungu na binadamu atabakia kuwa binadamu tu! mafanikio yanayoendelea kujitokeza ni "Fimbo ya Mungu" inawaadhibu wale wasioitakia mema bendi yetu kila kukicha, kikubwa nawaomba watulie kwani huu ni mwaka wa Gusagusa Min Bendi na kamwe wanayoyadhamilia hayawezi kuwa, nawashauri waje Maisha Club Jumatano ya tarehe 28/01/2015 waione Gusagusa inavyoendelea kugusa na kukonga nafsi za wanaojitambua.

MKURUGENZI HASSAN FAROUK MWENYE T-SHIRT NYEUSI AKIWA SAMBAMBA NA KATIBU WA BENDI YA GUSAGUSA, FONI CHUPA.

 Ikumbukwe bendi hii siku tatu zilizopita imepata mwaliko wa kuelekea nchini Uingereza kwa udhamini wa kampuni ya Didas Entertainment mwishoni mwa mwezi wa pili,vile vile wana show mpya ya kila Jumapili pale Safari Carnival chini ya Mamaa Mlezi wa Gusagusa Min Bendi Asya Idarous Khamsin, Pia wanamwaliko wa Dubai mwezi wa nne na mwaliko wa Mombasa bado upo katika mazungumzo kama makubaliano yataidhinishwa, mtandao huu utaweka wazi kila mmoja ajue kinachoendelea.