Muimbaji wa bendi ya G5 Modern Taarab, Fadhila Mnoga ameamua kwa matakwa yake mwenyewe abaki nyumbani na kufanya biashara zake ili kuendeleza familia yake kama ilivyo ada ya mja!. Mtandao huu ulipopata taarifa hizi ulimtafuta Fadhila kwa njia ya simu na kufanya nae mahojiano mafupi kama ifuatavyo:-
UBUYU WA TAARAB:- Hellow! ni matumaini yangu nazungumza na Fadhila Mnoga "Original" mwengine fekerooo!!
FADHILA MNOGA:- Yes ni mimi haswaaa!, vipi tena kaka angu kuna usalama kweli? maana na wewe haupitwi na jambo!...kuna mpya gani tena?.
UBUYU WA TAARAB:- Usijali kuna taarifa imetufikia hapa ofisini kwetu kwamba umeamua kuacha kazi G5 Modern Taarab na kusepa kwengine ni kweli wangu?.
 |
| FADHILA MNOGA AKIWA STEJINI. |
FADHILA MNOGA:- Haha haha haaaaa! nilijua tu una lako rohoni!, hizo habari ni kweli lakini naweza kuzipa ufafanuzi kidogo, nimeamua kukaa nyumbani na kuendelea na kazi zangu zingine baada ya kuona bendi kwa kipindi hiki imesimamisha show zake na mimi kama mtoto wa kike nina mambo mengi yanayohitaji pesa ndio maana nimeamua kujishughulisha kivingine.
UBUYU WA TAARAB:- Uongozi wa G5 kama watakuhitaji tena kazini wakati watakapoanza show zao kwa mara nyingine utakwenda kujumuika nao au ndio basi hurudi kabisa?.
FADHILA MNOGA:- Sina tatizo na uongozi wala msanii yeyote ndani ya G5 kwahiyo watakapoanza tena kazi na wakanipigia simu kwamba nahitajika basi nitaungana nao sababu ile ni kazi niliyoichagua mwenyewe na hata mume wangu amenipa ruhsa ya kuifanya kwa baraka zake.
UBUYU WA TAARAB:- Kuna tetesi kwamba upo mbioni kujiunga na bendi ya 5 Star's Modern Taarab na mpaka sasa inaonekana wewe unataka dau kubwa ili ujiunge nao je ni kweli habari hizi?.
FADHILA MNOGA:- Ni mapema mno kuzungumzia habari hizo ila ninachojua mimi ni kwamba nipo G5 na kipindi hiki nimeamua kupumzika kwakuwa bendi yetu haina kazi.
UBUYU WA TAARAB:- Ahsante sana kwa ushirikiano wako na mtandao huu utarudi tena kwako wakati mwingine tutakapokuhitaji kwa lolote.
 |
| FADHILA MNOGA AKIWA NDANI YA POZI. |
FADHILA MNOGA:- Poa poa! hamna tatizo mnakaribishwa muda na wakati wowote.
Huyo ndio Fadhila Mnoga ndugu wa Khadija Mnoga Kimobitel, muimbaji wa bendi ya G5 modern taarab kwa sasa.
Hakuna maoni:
Chapisha Maoni