WAJUE TANGA STAR'S MODERN TAARAB... HAZINA ISIYOCHUJA!.

NA KAIS MUSSA KAIS.

           Wakati nilipokuwa mkoani Tanga na Bendi yangu ya Gusagusa Min Bendi, nilipata bahati ya kufanya mahojiano na bendi za taarab za mkoa huo zipatazo tatu, nazo ni Tanga stars, New Goldstar na Kimbe G modern taarab ambayo ipo chini ya Bi Mwanahela. Leo tutaanza na Tanga Stars Modern Taarab kisha zitafuata zingine, nia na madhumuni ni kwamba wapenzi wa muziki huu wa mwambao wanapaswa kujua hadi mikoa mingine kuna bendi nzuri ambazo naweza kusema zimekosa "Promo" lakini zinafanya vyema!.

TANGA STAR'S MODERN TAARAB WAKIWA MAZOEZINI.

    Bendi ya Tanga Stars Modern Taarab ilianzishwa mnamo mwaka 2001 chini ya mkurugenzi Hassan Shilingi, na madhumuni haswa ya kuanzishwa kwa bendi hii ni yale yale kama zilivyo bendi zingine kutoa burudani na kusaidia  serikali katika suala zima la ajira kwa vijana. Bendi ilipofika mwaka 2008 ilfanya mabadiliko ya uongozi na kukabidhiwa Mr Rajabu Msekeni kuwa mkurugenzi mpya baada ya Hassan Shilingi. Nilipata bahati ya kukutana na mkurugenzi huyu na kutakakujua mawili matatu toka kwake kama kiongozi wa juu vipi anaizungumzia bendi yake.

UBUYU WA TAARAB:- Mr Rajabu wewe kama mkurugenzi ningependa kujua mpaka sasa bendi yako ina viongozi wangapi na wasanii wangapi?.

RAJABU MSEKENI:- Bendi ina viongozi pamoja na wasanii kwa idadi inayofikia nane nao ni:-

                           1.Rajabu Msekeni- mkurugenzi mkuu na Katibu.
                           2.Mikidadi Murisale-Muhasibu wa bendi.
                           3.Suleiman Murisale- Bendi Master

                                              "WAIMBAJI"

                          1.Mwana-Asha Omary.
                          2.Mwanahamisi Mcharuko
                          3.Mwanaakida Akida
                          4.Shani Suleiman
                          5.Super Nyota "MC" na muimbaji.

UBUYU WA TAARAB:- Okey! bendi ina albam ngapi ambazo zipo sokoni?.

RAJABU MSEKENI:- Tanga stars mpaka kipindi hiki tuna Albam tatu ambazo ni:-

                           1.Nyota yangu haishuki
                           2.Rambaramba
                           3.Koma kisonoko.

UBUYU WA TAARAB:-Pamoja na mafanikio hayo ambayo mmeyapata, Je bendi ina show zozote ambazo huwa mnapiga?.

RAJABU MSEKENI:- Ndio kiongozi bendi yetu tunashukuru mungu tuna show tatu kwa wiki ambazo ni:-

                           Jumatano tunapiga- Lavida-Loka
                           Ijumaa tunapiga-Mgeta Pub-Mikanjuni
                          Jumamosi tunapiga-Safari Gobreti makorora.
UBUYU WA TAARAB:- Ni changamoto gani ambazo huwa unakutana nazo hususani katika suala zima la  uendeshaji wa bendi yako?.

ANAITWA MWANA-ASHA OMARY  MUIMBAJI TEGEMEZI WA TANGA STAR'S MODERN TAARAB.

RAJABU MSEKENI:- Changamoto ni nyingi sana lakini baadhi ni, uchelewaji kwa wasanii katika show na mazoezini, Uchakavu wa vyombo, vile vile watu wa tanga wamekuwa hawapendi bendi za hapa kwao, Pia Udhamini wa makampuni hususani kwa bendi za taarab hapa tanga ni vigumu sana kupata.

UBUYU WA TAARAB:-Mwisho kabisa una waambia nini wakazi wa tanga na wapenzi wa taarab kwa ujumla tanzania nzima?.

ANAITWA RAJABU MSEKENI, YEYE NI MRUGENZI NA PIA NI FUNDI MITAMBO WA BENDI HIYO.

RAJABU MSEKENI:- Nawaomba wakazi wa Tanga na wadau kwa ujumla nchi nzima watupe sapoti kwani hii ni bendi yao, pia bendi zingine nazo tushirikiane, tuache majungu chuki na hasama hazijengi bali zinabomoa.



    Endapo utawataka Tanga Stars Modern Taarab kwa shughuli yoyote basi unaweza kuwasiliana na viongozi wa bendi hii kwa namba zifuatazo:- 0658-502835 au 0767-502836