LEYLA TOT:- LIMEPASUKA TANULI LILILOZOEA MOTO...ITAKUWA WEWE HUNA SURA HUNA MVUTO!!.

NA KAIS MUSSA KAIS.

            Leo jumatatu tunaanza kwenda hewani na ile segment yetu mpya ya "Mjue mtangazaji wako" ambayo itakuwa ikikujia kila siku ya jumatatu zote zijazo kupitia hapa hapa katika blog bora ya ubuyuwataarabutz.blogspot.com. 

     Na anae tufungulia kipengele hiki ni mtangazaji aitwae Leyla Tot ambae kwa sasa anatangaza pale "TK FM 88.5"mkoani Tanga, kupitia kipindi chake cha taarab kiitwacho Nakshi za pwani kuanzia jumatatu mpaka ijumaa, muda saa kumi kamili mpaka saa moja usiku. Nilianza kwa kumuuliza elimu yake aliipata vipi mpaka kufikia kwenye utangazaji?.

LEYLA TOT AKIWA KAZINI.

       Nae alianza kwa kusema, nimesoma mpaka kidato cha nne nikaenda chuoni pale Dsj nikasomea kozi ya uandishi wa habari na utangazaji pia nimesoma Spliended college and english course. ilipofika mwaka 2005 nilijiunga na kikundi cha maigizo hapo hapo chuoni na tulikuwa na akina Amanda, Pooshy, Mashaka na wengineo wengi nimewasahau ila sikupata bahati ya kurekodi mchezo wowote na kikundi hicho kwani Baba watoto wangu alinikataza kuendelea na sanaa ya maigizo.

     Ndipo nikaingia kutafuta kazi na cheti changu, nikafanikiwa kupata kazi C2C TV enzi hizo, nikaanzisha kipindi kinaitwa Ladha za pwani ambacho kilitamba sana enzi zake, pale niliwakuta akina Dk Cheni, Issa Diddy, Wasiwasi Mwabulambo yupo Azam Tv, Emanuel Likuda yupo Clouds redio, Mtitu 5 effect, Baraka kilala na Pendo Ibrahim au Lisa kwakweli tuliishi kama ndugu tulipendana sana.

    Mwaka 2008 nikachukuliwa na marehemu Shekhe Yahya Hussein aliekuwa bingwa wa utabibu afrika mashariki na kati tukaanzisha kipindi cha nyota zenu ambacho kilikuwa kinarushwa na Channel ten, pale nilikuwa mimi, Zained na Aisha Mushi, huyu Zained mpaka sasa yupo Channel ten.

ANASEMA HATA U-DJ YUPO FITI.

  Mwaka 2009 nikasafiri kuja tanga kwa bahati mbaya nikapata ajali, ndipo wazazi wangu wakaniambia nisirudi tena Dar kufanya kazi ila nitafute kazi hapa hapa tanga ambapo na wao wapo, ndipo nilipoomba kazi Mwambao Fm redio mwaka 2010 nikapata kipindi cha taarab na miduara mchanganyiko, ilipofika mwaka 2012 nikajiunga na Tanga Tv nikawa Mwambao Fm na nikawa Tanga Tv kwa wakati mmoja. Ilipofika katikati ya mwaka 2012 nilichukuliwa na Breaze Fm ya hapa hapa tanga ambapo nilifanya kazi mpaka nilipokuja kujiunga na TK FM ambayo nipo mpaka sasa nalisongesha kwa raha zangu!. Pia nilishawahi kupata mwaliko wa kwenda iringa katika redio Country Fm kufundisha vijana kidogo jinsi ya kutangaza kipindi cha taarab, vile vile nimeshawahi kuwa katika kipindi cha michezo ya kuigiza kiitwacho "Vituko Show" kinachorusha michezo yake kupitia Channel ten, nikaachana nao baada ya kuona malipo hayapo vizuri Nashukuru hapa nilipo TK FM wananijali sana na wana nithamini mno, vile vile mashabiki wangu wananipa raha sana kwani wananikubali kupita kiasi!, nawaahidi kuwapa kitu roho inapenda...mbona pambe maa!.

  Huyo ndie Leyla Tot mtangazaji wa TK FM, wewe kama pia ni mtangazaji unasubiri nini? nafasi ndio hii hebu nicheki basi kupitia inbox ya account yangu ya facebook alafu tutafanya mahojiano na kitu kitaruka hewani kama ilivyo kwa Leyla Tot, mkombozi wenu nimefika haina haja ya kusikitika...KARIBUNI SANA!!.