NA KAIS MUSSA KAIS.

      Tarehe 19/12/2014 na tarehe 26/12/2014 kulikuwa na burudani ya uzinduzi wa albam za bendi mbili zilizofanana herufi kama sio majina, five stars wao ndio walianza kuzindua siku ya ijumaa tarehe 19/12/2014, kabla ya tarehe 26/12/2014 nayo ni ijumaa kuzindua albam tatu kwa mpigo bendi ya G5 Modern Taarab, na Bendi hizo zote zilifanya burudani katika ukumbi wa Travetine uliopo jijini Dar. Ifuatayo ni tasmini iliyofanywa na mtandao huu katika kuelekea kuufunga mwaka huu wa 2014.

HAMISI SLIM MKURUGENZI WA G5 MODERN TAARAB.

                                     "FIVE STAR'S MODERN TAARAB".

        Uzinduzi wao wa albam ya "Kichambo kinakuhusu" ulikuwa mzuri ila ulikuwa na mapungufu kiasi jambo lililopelekea maneno maneno kuzungumzwa sana na wapenzi waliohudhulia, kwanza Jokha Kasim ambae alitangazwa kama atakuwepo katika show hiyo hakutokea, Pili malkia wa mipasho nchini pamoja na kwamba alionekana ukumbini lakini hakupafomu na haikujulikana ni sababu ipi iliyopelekea mama yetu huyu kutopanda stejini. vyombo navyo vilisumbua sana, lakini tathimini inaonyesha kwamba Ally J aliwahi sana kufanya uzinduzi ule kwani tokea amezitoa nyimbo zake na kuanza kuchezwa redioni sio muda mrefu sana hivyo wapenzi bado hawajazizoea.


                                       "G5 MODERN TAARAB".

            Uzinduzi wa bendi hii inasemekana ulijaa ujanja ujanja watoto wa mjini wanasema, kwanza bendi zote zilizotangazwa kwamba zitakuwa zikisindikiza uzinduzi huo nikiwa na maana ya Extra Bongo na East African Melody ziligomea kufanya lolote ijapokuwa zilifika eneo la tukio, mtandao huu ulifanya mazungumzo na viongozi wa bendi zote mbili na madai yao yalifanana kwamba hawawezi kupanda steji mpaka wakabidhiwe pesa zao, hilo likawa tatizo kubwa ambalo kwa kiasi kikubwa lilileta usumbufu kwa wapenzi waliohudhulia onyesho hilo, lakini ukiondoa kadhia hiyo G5 wenyewe waliungurumisha muziki mpaka majogoo ijapokuwa watu baadhi walirudi majumbani kwao wakilalamika na haswa wakimtupia lawama mkurugenzi wa bendi hiyo Hamisi Slim.

ALLY J, MKURUGENZI WA FIVE STAR;S MODERN TAARAB.

 
                                                           "HITIMISHO".

             Ni wazi kabisa kwamba kwa asilimia themanini zinduzi zote hizi hazikufanya vizuri, swali la kujiuliza nini sababu iliyopelekea mapungufu haya kujitokeza?. Na ni kwanini iwe kwa bendi zinazofanana? yaani G5 na 5 STAR'S? Tafakari katika kuelekea mwaka mpya wa 2015!.

NA KAIS MUSSA KAIS.

               Mpiga gitaa la besi ambae amewahi kufanya kazi katika bendi mbalimbali zikiwemo Dar Modern, Coast Modern Taarab, Aden Modern Taarab na nyinginezo nyinyi "Saidi Mitutu" amejiunga rasmi na bendi ya Gusagusa min bend.

         Akizungumza na mtandao huu Mitutu alisema kwa ridhaa yangu nimeamua kujiunga na bendi hii ili kujiendeleza zaidi na taaluma yangu, jambo lingine ujio wa Meneja Kais Mussa Kais katika bendi hii umenishawishi kwa asilimia kubwa zaidi mimi kufanya maamuzi ya kuja huku, Kais ni kiongozi mwenye historia nzuri hususani katika kila bendi aliyoiongoza imekuwa ikifanya vizuri sana

SAIDI MITUTU.

           Kwa upande wa meneja Kais alisema kwamba hizo ni rasharasha tu mvua kamili inakuja, nimepanga kukisuka upya kikosi changu na tayari nimeshafanya mazungumzo na viongozi wangu nikiwa na maana wakurugenzi wangu Foni Chupa na Hassan Farouk wao kwa pamoja wamenipa uhuru wa kuchagua msanii yeyote ninaeona anafaa kuwa na sisi basi niwajulishe na mara moja atajumuishwa kundini.

GUSAGUSA MIN BENDI KATIKA POZI.

        Wasanii wa zamani wa bendi hii wataendelea kuwepo ingawa kuna taratibu za kuongeza waimbaji na wapiga vyombo pia, Nataka kuifanya gusagusa kuwa ni bendi tishio zaidi na zaidi alimalizia kusema meneja Kais.

                                           "WAKATI HUO HUO"

            Bendi yako ya Gusagusa min bendi siku ya leo katika kuukaribisha mwaka 2015 wanatarajia kufanya show ya nguvu katika ukumbi wa Lango la Jiji uliopo magomeni mikumi jijini Dar wakishirikiana na Aljazira, Raha Original, Sabaha Muchacho pamoja na Bi Mwanahawa Ally. na siku ya tarehe 2/1/2015 Gusagusa min bendi itakuwa Kilwa kivinje katika ukumbi wa kivulini au almaarufu jumba la dhahabu katika kuwapa burudani wakazi wa huko.

NA MWANDISHI WETU.

             Mkurugenzi wa mtandao huu makini wa ubuyuwataarabutz.blogspot.com Kais Mussa Kais au ukipenda unaweza kumuita "mzee wa fitina mjini" amejiunga na bendi ya Gusagusa yenye maskani yake magomeni jijini Dar katika nafasi yake ile ile ya umeneja.

          Akizungumza na mtandao huu Kais alisema kwamba ameamua kuhamia Gusagusa Min Bendi ili kupata uzoefu zaidi kwani anaamini ana safari ndefu sana katika muziki huu na mafanikio hayawezi kuja pasipo kujituma zaidi, Nilipokuwa meneja wa Supershine Modern Taarab, nilijitahidi kufanya mambo makubwa sana, ikiwemo kuifanya bendi hiyo kuwa miongoni mwa bendi tano bora kwa mwaka 2013-2014 na kuingia katika tamasha la mitikisiko ya pwani.

KAIS MUSSA KAIS MENEJA MPYA WA GUSAGUSA MIN BENDI.

       Vile vile nimefanikiwa kufanya video ya albam "huna style" ambayo kwa sasa inaonyeshwa sana katika vituo mbalimbali vya televisheni nchini, nyimbo zao pia zimekuwa zikichezwa sana redioni mara kwa mara na hii inanifanya kutembea kifua mbele huku nikijivunia baadhi tu ya mafanikio ambayo nimeyawezesha pale Supershine Modern Taarab.

      Naomba ieleweke sina tatizo na kiongozi wala msanii yeyote katika bendi ya Supershine Modern Taarab na ndio maana hata wakati nataka kuondoka pale sikuondoka kienyeji, nilienda kuwaaga viongozi wenzangu pamoja na wasanii kwa ujumla na kikao maalum cha kuagana kilifanyika pale pale club baada tu ya kumalizika mazoezi. Nashukuru nao walinipa baraka zao na kunitakia kazi njema huko niendako, kwa sasa mimi ni meneja wa Gusagusa Min Bendi Chini ya mwana mama wa haja kabisa BI AFUA SULEIMAN, MZEE SULTAN NA SABAHAH SALUM MUCHACHO hawa ndio wasanii waandamizi japo BI MWANAHAWA ALLY nae yupo yupo kwa mbaaali! alimalizia kusema meneja huyo mpya Kais Mussa Kais.

KAIS MUSSA KAIS, MENEJA WA GUSAGUSA MIN BENDI NA MMILIKI WA BLOG HII.

      Sisi dawati zima la habari la mtandao huu wa ubuyuwataarabutz.blogspot.com Tunapenda kumtakia mafanikio mema huko aendako sasa Bosi wetu, na tunamuomba mwenyezimungu amuwezeshe kufanya makubwa zaidi akiwa na Gusagusa ili kupandisha zaidi na zaidi C.V. yake katika kuongoza bendi mbalimbali za taarab hapa nchini tanzania, ikumbukwe kwamba Kais Mussa Kais ameshaongoza bendi zaidi ya tatu akiwa kama meneja, ya kwanza ni T MOTTO, ya pili ni KING'S na ya tatu ni SUPERSHINE na kwa muda huu ndio amekamata usukani katika kuifikisha pazuri GUSAGUSA MIN BEND.....mungu akubaliki sana Bosi wetu!.

NA KAIS MUSSA KAIS.

            Nuru Moshi ukipenda muite "mamaa wafadhilaka wapundaka" ni muimbaji wa bendi ya Supershine Modern Taarab yenye makazi yake magomeni jijini Dar, Msichana huyu ambae anasema ameanzia kuimba katika bendi hiyo na mpaka sasa yupo hapo, Anamshukuru sana marehemu mama yake mzazi kwani yeye ndio ambae amegundua kipaji chake na kumpeleka katika bendi hiyo kumuombea nafasi ya kuimba, mungu amrehemu sana mama yangu.

NURU MOSHI "MAMAA WAFADHILAKA WA PUNDAKA".

             Wakati najiunga na bendi hii nilikuwa ni mtu mwenye uoga sana ukizingatia sijawahi kuimba katika bendi yoyote ile kwahiyo kila kitu nilikuwa nakiona kigeni kwangu, nilipokelewa vizuri na Queen Salma mlezi wetu akanionyesha misingi ya uimbaji na nilifuata maelekezo mpaka sasa nipo hapa japo kwa mafanikio machache niliyopata, Mwaka jana nilifanikiwa kurekodi wimbo wangu wa kwanza kabisa uitwao "WAFADHILAKA" katika studio za soundcrafters temeke, na namshukuru mungu kwani wimbo wangu umekuwa ukifanya vizuri sana katika vituo vya redio na televisheni hapa nchini na nchi za jirani.

NURU MOSHI WA MWISHO KULIA AKIWA NA WASANII WENZIE WA SUPERSHINE.

       Kuna watu huwa wanapenda sana kujihisi, sasa mimi nawaambia kwamba wimbo wangu sikumlenga mtu, ni ujumbe tu nimeufikisha kwa jamii kwani walimwengu wamekuwa hawana shukurani hata uwanunulie ndege!, ila kama kuna mtu anajihisi wimbo huo unamlenga yeye, na limemchoma haswaa!...basi hilo lake limemganda.

          Nuru amewashukuru sana viongozi wake kwa kuweza kumuamini na kumjali mpaka kufikia kurekodi wimbo huo, amewaasa wasanii wenzie kuvumilia kwani yeyote mwenye subira basi ategemee heri toka kwa manani.

NA KAIS MUSSA KAIS

               Bendi yako ya Gusagusa Min Bendi, katika kusherehekea sikukuu ya christmas, wanatarajia kushusha burudani ya nguvu katika ukumbi wa ikweta grill mtoni kwa Azizi Ally jijini Dar, Akizungumza na mtandao huu makini mkurugenzi wa bendi hiyo Mr Hassan Farouk alisema maandalizi ya show hiyo yamesha kamilika na vijana wana khali kubwa ya kuwaonyesha wakazi wa mtoni ni nini Gusagusa wanafanya.

WAIMBAJI WA GUSAGUSA MIN BENDI WAKIWA KATIKA POZI.

       Gusagusa ni bendi iliyojizolea umaarufu mkubwa kutokana na style yao kubaki pale pale wala hawayumbi kuwafuata wale wenzao wa taradance, bendi hii mara kwa mara imekuwa ikipata mialiko ya nje nchi kwa kuwa ni wao tu ambao wamebakia wanaopiga taarab asilia na modern taarab ukiziondoa bendi za zanzibar.

VIONGOZI NA WASANII WA GUSAGUSA WAKIWA KATIKA PICHA YA PAMOJA.

      Kwa sasa bendi hii ipo mbioni kuandaa vibao vipya na vibao vingine vipo tayari na vitapigwa kwa mara ya kwanza katika sikukuu hii

ya christmas pale ikweta grill, wadau na wapenzi mnaombwa kujitokeza kwa wingi kuja kupata raha za Gusagusa Min Bend.

NA KAIS MUSSA KAIS

         Kuna msemo wa kiswahili usemao 'Maji hufuata mkondo", Fadhila Mnoga ni muimbaji wa bendi ya G5 Modern Taarab yenye makazi yake mtoni kwa Azizi Ally jijini Dar, Huyu ni mdogo wa Khadija Mnoga kimobitel ambae anaimba miondoko ya Dansi kwa sasa. Unapotembelea pale Flamingo Night Club ukamuona Fadhila akiwa steji na bendi ya G5 utakubaliana na mimi kwamba huyu msichana anaweza sana na ni hazina ya baadae katika muziki huu wa taarab nchini Tanzania.

FADHILA MNOGA AKIWA KATIKA POZI.

          Fadhila Mnoga amezunguka bendi nyingi ndogondogo kabla mwaka jana hajajiunga na bendi ya Dar Modern Taarab, lakini kwa bahati mbaya hakukaa sana kwani alikuwemo katika wale wasanii 13 ambao walifukuzwa katika bendi hiyo baada ya kurudi safari na Dar Modern toka mikoani, iliniuma sana kufukuzwa bendi kwa kosa nisilotenda lakini mungu alikuwa na mipango yake kwangu, na kwa sasa nipo hapa G5 Modern Taarab maisha yanaenda kama kawa kama dawa!.

      Taarab ni muziki niupendao sana na nafanya kwa mapenzi makubwa mnoo!, hapa G5 Modern Taarab nipo na ndugu yangu anaitwa Sharifa Mnoga nae ni muimbaji mzuri sana, sisi katika familia yetu wengi ni waimbaji ukimtoa Dada Hadija ambae tayari anafahamika lakini tupo na sisi tunafuata nyayo zake pia.

FADHILA MNOGA AKIWA NA DADA YAKE HADIJA MNOGA "KIMOBITEL".

         Fadhila Mnoga bado hajarekodi wimbo wowote G5 ila yupo mbioni kupewa wimbo mpya ambao ndio atatoka nao na watu kuelewa uwezo wake, kwa sasa anaimba sana nyimbo za G5 ikiwemo wimbo uliorekodiwa na dada yake Hadija Mnoga uitwao "Naepuka Mifarakano". njoo umuone akiimba ndani ya bendi hiyo pale Flamingo Night Club magomeni mwembechai Dar.

NA KAIS MUSSA KAIS

              Ile siku iliyokuwa ikisubiliwa kwa hamu kubwa na wapenzi wa muziki wa taarab nchini hususani wale wanazi haswa wa Jahazi Modern Taarab imefika, ni pale katika ukumbi wa travetine magomeni jijini Dar, bendi kubwa na yenye mafanikio katika tasnia ya muziki wa taarabu kwa sasa Jahazi Modern Taarab leo inasherehekea kutimiza miaka minane ya mafanikio tokea kuanzishwa kwa bendi hiyo.

          Akizungumza na mtandao makini na bora kwa sasa kwa habari za taarab ubuyuwataarabutz.blogspot.com, Director wa bendi hiyo Mohamedy Mauji amesema kwamba siku ya leo kutakuwa na surprise nyingi sana kuanzia kwa wadau, wapenzi mpaka wasanii wa zamani ambao waliwahi kuitumikia bendi hii kipindi cha nyuma, uongozi kwa kuwaheshimu na kuthamini mchango wao umewaalika na kutakuwa na vitu maalum kwa ajili yao.

JAHAZI MODERN TAARAB NA EAST AFRICAN MELODY

          Show itaanza mapema ili kuweza kuwapa burudani mpaka zile nyimbo za Jahazi za muda mrefu, kikubwa tunawaomba wapenzi wetu wajitokeze kwa wingi tuje kula keki kwa pamoja, wapenzi wetu waliokuja toka kenya, Comoro, kongo, Uganda na kwingineko nawaomba wasogee travetine mapema ili wapate burudani.Mtandao wa ubuyuwataarabutz.blogspot.com unapenda kuchukuwa nafasi hii kuupongeza uongozi wa bendi hiyo kwa kuweza kuandaa sherehe kama hiyo.

NA KAIS MUSSA KAIS.

 Na pambe za taarab

Ngoma ya (Kibao Kata),ni ngoma ambayo ilikuwa ni maalum kwa ajili ya kumfunda mwali na kumpatia maadili mazuri pindi anapokwenda kwa mume wake, lakini kwa sasa ngoma hiyo imebadilishwa na kuwa ni moja ya ngoma zinazopotosha kabisa maadili ya kitanzania,hii ni  ngoma yenye asili haswa ya watu wa ukanda wa pwani, vijembe vya hapa na pale huwa vinatawala sana mpaka kufikia kuvuana nguo na kubaki utupu!

HAPO KIBAO KATA KIMEKOLEA MBAYAAA!!

Kufuatia hali kama hiyo, mara nyingi msimamizi wa shughuli huwa anasimamisha shughuli alafu huingilia kati na kusema kama kuna mtu ana kisasi na mwenzake akamalizie nyumbani kwao na siyo hapa.

MUIMBAJI KIVURANDE JUNIOR AKIFANYA YAKE.

“Jamani hii  ni shughuli ya fulani anamtaja jina lake na si ya mtu mwingine, hivyo kama kuna mtu ana tatizo na mtu ni bora aende kumalizia nyumbani kwake lakini siyo hapa, haihusu,” na akina mama humalizia kwa vicheko vya umbe, haloooooooooooh!!.

HIYO INAITWA MPAKA CHINI STYLE!.

Hata hivyo, katika hali ya kustaajabisha mastaa wengi wakike Dar huingia  kati na kushindana kukata nyonga huku kila mmoja akijivunia jinsi alivyoumbwa na Muumba, ngoma hii haina tofauti sana na Baikoko katika asili ya uchezaji maana wote wanatumia nyonga zao katika kunyumbulisha maungo yao manene yaliyojazia, pata baadhi ya picha za ngoma hiyo ni vipi wanavyocheza!!.

STYLE YA MMOJA MMOJA KATIKA KIBAO KATA.